馬年將至，新世界傳動網亦乘勢推出「動力馬房」，用家可經WAP或以SMS玩呢個競馬遊戲，養番隻參加比賽。若果成為第一班馬後兼在盃賽中贏出，就有機會得到一部Nokia8310。
點先可以做馬主？首先，用$15去門市或便利店買張馬主卡，然後經WAP或按「#118#」（以SMS玩）開始遊戲。當完成登記後，即輸入馬主卡的數字及為馬匹命名，就可以進行各種訓練及參加比賽，競逐成為頭班馬。收費方面，經WAP就按WAP服務收費，以SMS玩就每個發出短訊收$1。若果經常以SMS訓練及參加比賽，動輒都要幾十甚至百幾，絕對係落重本，怪不得該台的宣傳都話「玩得呢隻Game就預咗愈踩愈深」。
記者：招佩珊