維味鮮奶黃年糕是以吉士粉、牛奶、糖、糯米粉等材料所做成嘅奶黃年糕，可以話係今年新推出嘅特色年糕之一，顏色無傳統年糕咁深啡，相反色澤搶眼，呈現金黃色，比較吸引，而且重係用植物油所做，食落更加健康。食味方面，稍為甜咗啲，但質感腍滑，加咗吉士粉，有濃郁蛋香味。
記者：陳冰麗
年糕通常都無餡料，食落會較為單調咗啲，但如果有啲嘢可以咀嚼吓，大家又會否試呢？呢款加入咗粟米粒、椰汁等成分嘅維味鮮椰汁粟米年糕，食落唔單止有椰汁嘅香，而且重有粒粒嘅粟米可以咀嚼過吓口癮無咁悶，有興趣可以買個試試。
記者：陳冰麗
人少少而又想食年糕嘅話，呢款已經切好一片片嘅椰汁黃金糕就啱晒閣下，賣相都幾精緻，一片片如一瓣瓣柚肉，金黃色澤夠吸引，一包只有八件裝，已切好片，買返去即可以烹調，可蒸可煎，亦可以放入微波爐加熱就食得。成分有粘米粉、椰汁、牛奶、糖、植物奶油等，因為唔係用糯米粉，食落唔多腍滑，煮得耐稍嫌會韌口，但就有另一番風味，且甜度適中。
記者：陳冰麗