雖然章小蕙目前債務纏身，但仍對衣着及住所十分講究，她昨日穿着自己店舖出售的新裝，在時裝店做生招牌。她又表示只是幫朋友睇樓，目前無意搬出月租三萬元的林肯大廈住所。
章小蕙昨日在中環時裝店返工，她穿着一身春裝，為店舖做生招牌，並表示上衣及西褲的牌子是Tatanaka，全身服飾總值八千多元。
上月底由劉鑾雄和鄭裕彤擁有的崇光百貨，入稟法院追討章小蕙七十萬佣金及清潔費等，而章小蕙亦會於兩周內，向崇光發律師信，追討被扣起的數十萬營業金額。
對於有關官司，章小蕙昨日說：「我冇爭Sogo（崇光）錢，𠵱家大家打官司，唔可以話我爭人錢。Sogo冇理由扣起我嘅營業額，咁樣對我同對我間公司都唔公平，而話我爭佢哋錢，亦都係唔負責任嘅寫法。」
昨日本報報道章小蕙最近頻頻到大坑道和東半山睇樓覓平盤，對此她說：「呢啲料一定係個經紀放嘅，我覺得個經紀好冇道德，以前我自己買樓都唔會講畀你哋知，何況我𠵱家只係幫人睇樓！」
記者問章小蕙是否有意搬往租金較平的住宅，她說：「我𠵱家嗰度（林肯大廈）住咗六個人，冇諗過會搬。」
對於以目前經濟狀況，她仍以三萬元月租租林肯大廈，章小蕙說：「對於呢件事，我冇嘢發表，所有嘅事已經交咗畀律師處理，我𠵱家開舖都係孭緊數畀律師。」
採訪、攝影：馮美茵