老董終於踩完四場諮詢會，八方發現不少選委其實好騎呢，出版界嘅李祖澤就話，佢睇亞視嘅百萬富翁，有一次問中華人民共和國幾時成立，點知個中層公務員唔識答。如此公務員，如何幫助政府推行一國兩制？老董就話一個人不代表所有公務員，又說有些公務員，常常戴着五星旗襟章。邊個呢？應包括已改戴飛龍章的煲呔曾吧。
另一個資訊科技界嘅選委，就話董建華做事，好似個選委發言抽籤箱一樣太透明，政府理應對外國公司不用太透明，向香港人透明便可。老董哈哈一笑，話自己做事就是透透明明，樣樣都畀人睇到晒。
其實在第一場諮詢會時，已有人懷疑個箱太透明，所以抽到白鴿黨李華明都有造馬之嫌。老董噚日亦攞個箱開玩笑，叫抽嘅人合埋雙眼。
E-mail：