昨日上午第一場阿董諮詢大會，原本人人都要抽籤答問題，但湯家驊因為阿董欽點提問，成為全場焦點。可能因為阿董覺得前一日自己答梁家傑的法治問題表現唔好，一於NG，叫湯大狀提問，但只答了一句有關的人權問題，跟住就大談法治。
阿董反應遲一日兼問東答西，湯大狀顯然不滿意，會後被記者追問時，重反問：「噚日梁家傑問問題係點名定抽到？」
不過最無辜都係律師會會長蔡克剛同李家仁醫生，原本兩人一早企定等記者發問，點知湯大狀一出現，勢利的記者一擁而上，搞到蔡李二人對住空空如也的咪架啼笑皆非。不過蔡律師同八方講唔介意，重話如果好彩抽到湯大狀，就唔使咁樣特登點佢名啦！
（圖）蔡克剛（右）同李家仁被記者冷落，仍話不介意。
E-mail：