梁愛詩想北上搵食 - 李八方

  梁愛詩想北上搵食 - 李八方

老董搞連任忙得一陣陣,但相信遲啲落實高官問責制,搵人入閣還有排忙。八方噚日在老董諮詢會後,和蔡克剛傾開,他透露了律政司司長梁愛詩的去留動態。話說蔡克剛今年初在一個場合遇上詩姐,佢力勸詩姐連任,但詩姐就話希望北上開拓法律服務,似乎沒有留任之意。
莫非詩姐去意已決?蔡克剛說只是閒聊,不知詩姐之意是真是假。但如果梁愛詩真的想北上,與他們一起開拓市場,他亦很支持。
八方本來想親自問吓詩姐,但睇完《壹週刊》篇對話,都係唔問,費事又激親司長啦。


E-mail:[email protected]