張燊悅日前為其擔任代言人的時裝專門店XS，拍攝新一輯春夏新裝硬照廣告。其間，她以森林嬌娃造型與十隻小兔嬉戲，小兔更爬上她的胸口，非常惹笑。
張燊悅（Nicola）與她擔任代言人的XS時裝專門店續約一年，日前她前往柴灣一影樓，拍攝XS新一輯春夏新裝硬照廣告，今次Nicola在廣告中更大玩百變形象，造型千變萬化。
Nicola當日共花了八小時拍攝，先後轉換了四個不同形象，包括女鐵騎士、森林嬌娃與十隻小白兔嬉戲，又穿上牛記笠記扮牛王妹跳繩，以及穿便服大玩呼拉圈。由於每個形象均需換上兩套以上服裝，故Nicola合共換了十套服裝之多，但她每次更衣只需約一分鐘，速度確快得驚人。
雖然Nicola不斷換衫，但拍攝進度十分順利，豈料拍攝途中遇上一隻「鹹濕」小白兔，牠竟自行爬上她的胸口，令Nicola同場加演心口托兔的搞笑場面，她笑說：「好彩件衫有番咁上下厚度，所以隻兔仔爬咗上嚟，佢啲爪都唔會整痛我，不過我就覺得好笑囉。」
問Nicola為何換衫這麼快？她笑說：「我份人做嘢好快嘅，我啲朋友約親我去街，我唔使三分鐘就落到樓，做藝人要爭取時間嘛。」對於今次續約拍廣告，Nicola表示酬金有顯著增加，令她大感滿意，她說：「喺咁嘅市道，廣告商都請我再續約，又加我人工，已經非常好啦，踏入新一年就即刻有好消息，梗係開心啦。」
採訪：朱芷瑩
攝影：陳偉權