農曆新年就快到，相信好多朋友都會買揮春返屋企布置一吓，以增添新年氣氛。今年揮春除咗以得意的卡通人物為主角外，更以新穎的立體設計搶鏡，配合祝福的句語，夠晒好意頭，令人忍不住要買它們返屋企！
記者：黃秋燕
攝影：林栢鈞、陳盛臣
ImageGirl：簡思恩小朋友
這個CK鼠時來運到揮春，中間有一個可以轉動的幸運轉盤，立即令平凡的揮春變得有趣好玩。傳統玩法係瞌起雙眼，心中想着願望，再轉一轉幸運輪，願望便會實現。就算你不信此迷信玩意，設計心思依然叫人讚不絕口！
尺寸：約32cm×15cm
售價：$10（Kalm's）
經濟唔好，相信好多人新一年都希望年年有餘，這款HelloKitty立體揮春便以此為主題，HelloKitty騎在金魚上，只要拉開中間紙金魚的肚腩，一條肥嘟嘟的立體紙金魚立時出現，意頭十足。今年係馬年，揮春又怎能少了馬的份兒，一隻栩栩如生的金色膠馬仔掛在揮春下，造型一絲不苟，同大家一齊邁進馬年。
尺寸：約35cm×45cm
售價：$43（Kalm's）
唔鍾意HelloKitty，大可以選擇LittleTwinStars，掛飾下有個小風車，只要輕輕吹動風車，所有衰運自然會遠離，掛在家中近窗口的位置就最理想。
尺寸：約40cm×35cm
售價：$33.2（大眾）
小朋友就最鍾意公仔，尤其是女孩子，這款布公仔揮春，一定受小朋友歡迎，最啱掛在小朋友的睡房中。軟綿綿的布公仔頭有CK鼠或大口仔等選擇，樣子非常可愛，而紅色絨布上寫有金光閃閃的祝福字句，十分搶眼，而且絨布唔容易爛，夠晒襟擺，今年用完出年可以再用過，完全合乎經濟原則。
尺寸：約40cm×12cm
售價：$20（大眾）
爆炸狗今年人氣依舊，既然這樣，理所當然地成為揮春上的主角，這個雖然不是立體揮春，但傳統款式依然大受歡迎，用上紅色絨布，極富喜慶氣氛，加上爆炸狗大公仔，立刻搶鏡非常，更有多款恭賀語句選擇。
尺寸：約38cm×18cm
售價：$20（Kawaii）
新年少不免要買個風車，希望帶來好運，這個Size細細的小型掛飾，不同造型的卡通人物再加上多元化的字句，選擇多多，只要風一吹，風車轉動之外，重會發出噹噹響，最適合放在屋企或車廂內作個小裝飾。
尺寸：約20cm×5cm
售價：$14（Kalm's）
冬天嘅日子，街頭巷尾都會見到甘栗嘅蹤影，因為個個都鍾意食，𠵱家就連揮春都有佢份，果然夠勁，這個不規則剪裁嘅揮春，唔似一般長方形傳統揮春咁無新鮮感，加上有埋咁可愛的甘栗仔圖畫，賣相一流。
尺寸：約20cm×20cm
售價：$3（Kawaii）
呢款以吹氣作賣點的揮春，每個胖嘟嘟的吹氣水泡上都寫有祝福字句，如學業進步、財源廣進等，中間更有一個四方小膠牌印上一個字，只要用一支膠棍將四個吹氣水泡串連起來，就會睇到原來是「恭喜發財」四個字，噱頭十足，而外形就如一串魚旦一樣，相當趣致。
尺寸：約50cm×9cm
售價：約$25
這個以雙節棍為造型的吹氣揮春，創意十足之餘，最啱小朋友當玩具玩，絕對一舉兩得。
尺寸：約30cm×5cm
售價：約$20
＊這兩款吹氣揮春，將於維園、花墟、長沙灣、元朗及奧海城第二期地下等的年宵市場有售
查詢電話：92187476
店舖資料
Kalm's（25062302）
銅鑼灣時代廣場709-710室
大眾書局（28380050）
銅鑼灣軒尼詩道475-481號東南大廈一樓至二樓
KawaiiShop（24794973）
元朗千色廣場102-106號舖
(C)2002SAN-XCO.,LTD.ALLRIGHTSRESERVED.ALicensingProgrammeofRM
版權代理：RMEnterprisesLtd.