陳雅倫有份投資的澳門「黃金海岸劉伶吧」前晚開幕，老闆娘陳雅倫以Gucci真空大露背裝束出現，而其他到賀的圈中人包括姚樂怡、洪欣、Perry、關禮傑等等。
陳雅倫說：「呢度總共有五個股東合資，我只係佔其中一份，總投資額大概三、四百萬，澳門投資本錢低，所以我揀呢度唔揀香港，而且有股東打理，我唔使成日過嚟，亦唔使應酬。」
姚樂怡則帶同父親一齊出席，對於早前有周刊暗示她接客，姚樂怡仍然很激動，她說：「我呢個禮拜內會發律師信畀佢哋，咁嘅報道會影響我嘅形象，可能令工作減少，我會要求佢哋作出賠償。我同爹哋一齊出嚟，就係畀記者認清楚佢嘅樣。」
記者魯萍、陳炯威澳門直擊