昨天八方同大家講過，陳太星期二於港大陸佑堂和一班利希慎堂學生共晉高桌晚宴（HighTableDinner）。菜式係：頭盤三文魚沙律、海鮮濃湯，主菜法式紅酒汁燒鴨胸伴鮮果，甜品就是Tiramisu。
餐後利希慎堂舍監程介明介紹陳太時，話真正的領袖，即使不在其位，影響力仍能延續，另外又要好識講古仔。陳太果然不負所望，簡單講咗兩個古仔，點出好領袖的要點：有自信但不自大及方向清晰。一個係講拳王阿里坐飛機，空姐請他扣好安全帶時，他好寸地答：「超人使咩扣安全帶？」點知俾人寸返轉頭：「超人使咩坐飛機？」
另一個就係講費城一位主教，有日去大會堂演講「上天堂之路」時唔識路，向一位學生求救，結果該位學生話唔會去聽佢個講座，因為佢連大會堂都唔識路去，又點會識上天堂之路。陳太表情豐富、語氣生動，班大學生聽完都大笑拍掌，果然係講古高手。
E-mail：