民主黨一班核心成員，包括華叔、馬丁、楊森及單仲偕等十幾個立法會議員，昨日齊齊約埋於立法會外影賀年相，其中一個重扮財神爺，諗住祝香港市民新年進步咁話。
不過正當成班人柴娃娃影到興高采烈之際，竟然有個皇后像廣場的管理人員過來阻撓，又問有冇申請影相許可證。其實平時菲傭打橫打掂影相都冇人干涉，記者都係想點影就點影，何解班議員反而不及菲傭記者？民主黨中人重同八方講，話趕華叔、馬丁都算數，但見到財神爺都照趕，唔怕影響香港來年冇運行乎？
（圖）民主黨眾成員預祝市民新年進步。 黃賢創攝
E-mail：