葉德嫻（Deanie）與黎瑞恩昨日分別到港台及商台，擔任節目嘉賓。
由於葉德嫻三月的個唱正考慮加一場，共演四場，小恩子表示演唱會將會延期至下月中才舉行，她說：「因為Deanie姐啲演唱會飛好難撲，連我媽咪都要我搵十張飛畀佢。而且我自己都想佢加場，所以個期唔讓都唔得。」
葉德嫻則對此說：「我都唔知有件咁嘅事，呢啲嘢要等場館嗰邊批。」問她是否風頭蓋過小恩子而令她改期，Deanie姐說：「佢有佢嘅觀眾，可能佢體諒我呢個Auntie，所以先至改期。」
此外，小恩子透露已開始購買嬰兒用品，她說：「我𠵱家已經開始搜購定一啲絕版嘅HelloKitty嬰兒用品。」
採訪、攝影：李珮洳