蘇永康前晚到銅鑼灣接受商台節目《我恒我訴》訪問,康仔日前被拍得與許志安到蘭桂坊蒲吧,康仔說:「我哋嗰日係去睇恭碩良做騷,我哋知有雜誌記者去咗,之前有人話我同安仔不和,咪一齊去澄清吓。」
康仔又透露他將推出一張新曲加精選的國語碟,康仔在台灣屬福茂唱片,但自福茂與台灣環球分拆後,本來公司安排康仔所有唱片事宜交由環球處理,但康仔謂他與福茂比較有默契,故要求仍由福茂安排其唱片工作,算是有始有終,康仔說:「我同福茂同事合作開有感情,上年十一月出張碟都要求搵番佢哋幫我。𠵱家Paco(黃柏高)叫我唔好四圍走,快啲搞埋隻新碟,佢想我農曆新年後即刻出喎。」