失業問題講咗好耐，𠵱家大家都諗緊北上大陸係咪真係可以殺出一條血路。噚晚獲選為「2001年度傑出領袖選舉」商業?金融組得獎者嘅查史美倫，即場醒咗一招北上基本功畀大家。
舊年二月毅然放棄香港證監會副主席職務，北上做中國證監會副主席嘅查史美倫，攞獎後有感而發，佢同八方一眾行家話：「就算你有幾多本領都好，如果唔能夠同人溝通，就幾乎冇用。」佢勸勉有意返內地工作嘅香港人，一定要苦練普通話。八方覺得香港失業率屢創新高，近日重有內地企業來港招聘人才，查太呢番說話講得真係合時。
由《星島日報》同多個機構合辦嘅「2001年度傑出領袖選舉」，噚晚喺會展舉行頒獎禮。除咗查太獲獎之外，大會重選出教育獎、創意獎等得主（見表）。
E-mail：