窩輪市場撻火，昨日推介嘅滙豐Call9030升8%，中移動Call9029升31%。
今日推介中信Call9037，理由有：1正股（267）先排因出售光纖網事件散完之後，見底回升，炒落後。專家都話，揀輪先要揀正股，正股掂，啲輪更掂。29037除咗買賣免印花稅外，若然幫襯麥格理指定嗰27間行，則連經紀佣金亦慳埋，只係需要畀小量嘅levy同tradingfee（10萬銀貨只係11蚊），對辦上嚟，個個價位都係利潤，啖啖肉。
中信Call輪，成個市場暫時只得隻9037，冇得揀。講數據，唔算差，雖然唔太靚。11月到期，大把時間。現價28仙，只係高過發行價1成，唔怕回吐壓力。
中信月頭18.25元，見番呢個價，9037值48仙，打個折扣，都好肥仔。
今日推介多1隻滙豐Call9004。
9004今年9月到期，做1.26元，溢價2.9%，Call輪中溢價最低，槓桿率7.1倍，爆炸力唔弱。中移動（941）挾完之後，有機會輪到挾滙豐。滙豐升1成，9004見2.10元。