港人響內地買樓已成為潮流，代理行甚至政府，都因此做吓內地置業調查，以研究呢個發展趨勢。
究竟港人鍾意買邊類樓呢？明日就有一個「最適合港人居住的深圳樓盤」頒獎禮，獲獎嘅樓盤有金地翠堤灣、桂芳園、匯港名苑、環島麗園、益田花園、豪園居、金鼎輝煌世紀、都市名園同新亞洲花園等。買咗呢啲盤嘅買家，都想知道自己個盤獲獎嘅原因。
利嘉閣地產為中原地產併購之後，中原安排進駐利嘉閣嘅何紹章，剛獲晉升為利記董事總經理，負責公司日常業務及決策事宜；一向多計的何紹章，唔知有何扭轉利記形勢嘅妙計呢？
繼中原同美聯後，鴻運今晚喺尖沙嘴舉行周年聚餐，並會頒發「最佳營業員表現獎」、「最佳分行表現獎」、「發展商項目最佳銷售獎」同「最有前途新人獎」，各同事辛苦咗一年都好應該盡興番一晚。
蘭西