由陳小寶及陳細潔兩姊妹主理的「雪肌蘭」，昨日假銅鑼灣舉行華裔小姐頒獎禮。陳細潔姊妹透露，本來兩人準備佩戴在卡地亞訂做、舉世無雙的鯊魚狀胸針吊墜出席，但因需要更改鑲工，故未能成事。這兩件標誌着陳氏姊妹事業成就的鯊魚首飾，總值達二百二十萬港元。
華裔小姐贊助商「雪肌蘭」昨日假銅鑼灣利園商場舉行「天然雪肌凝聚生命力」頒獎典禮，除了主理人陳小寶、「鯊魚女」陳細潔姊妹及得獎華姐外，一眾名人明星包括吳婉芳、樂蓓、韓尚志、黎小田及韓君婷等俱有出席。陳細潔胞妹陳美儀亦到場為姊姊打氣。
陳細潔（Abbie）昨日以性感打扮出席，她一見記者即宣布喜訊，她說：「我幫旗下產品『紅酒素』拍嘅廣告出街後，反應好好，重一度斷貨㖭。而『雪肌蘭』最近重喺日本攞咗個『日本社會文化功勞獎』。
「𠵱家喺香港，即使經濟咁差，我哋嘅業績都仍然好好，為咗慶祝呢件開心嘅事，我同家姐（指陳小寶）喺一年前已經同卡地亞嗰邊接洽，希望佢哋可以特別為我哋兩姊妹，每人訂做一個鯊魚狀嘅首飾，呢件首飾係兩用嘅，可以做吊墜或者胸針。」
但昨日記者卻無緣見到首飾實物，原來Abbie要令這件首飾變得更獨一無二。Abbie說：「件貨已經到咗香港，我哋本來諗住今日一齊戴出嚟嘅，但係我後來有一個新idea，家姐嗰件首飾就全部係鑽石，而我自己想特別啲，想喺個鯊魚口鑲珍珠，因為咁，所以要拎去再改，咪唔可以戴出嚟畀你哋睇囉！」
問Abbie在接洽卡地亞的過程中有否遇到困難？她說：「梗係唔係入去買條鏈咁易啦，不過我一向都有幫襯佢哋，都有啲交情嘅！」至於價值若干，Abbie說：「大鯊（指胞姊的首飾）就一百四十萬，我嗰件細鯊就八十萬左右，以tailoredmade嘅設計嚟講，我覺得絕對物有所值。」
陳細潔姊妹於卡地亞訂做代表他們事業成就的鯊魚胸針吊墜，可說是意義重大，除了財力，沒有長期交情也難令卡地亞首肯。
而本港的富泰女人，亦有豪氣訂做屬於自己「舉世無雙」首飾的，首推寶詠琴，寶詠琴曾將她私人珍藏的緬甸翡翠，委託Chanel鑲嵌。另外，她亦曾委託Chanel由斯里蘭卡買入一顆價值五百萬元的藍寶石，用來鑲成頸鏈。除了花得起，亦有耐性去等待珍品的製成，的確是豪門女人的專利。