楊采妮與男友邱韶智合辦的「第一亞洲娛樂製作公司」及「StarzImage」公司面臨經濟困境，繼前日有員工與供應商到二人於尖沙嘴的寫字樓追討薪金及欠款後，昨日又有廠商上門追數。
昨早十一時半左右，兩名男子到達楊采妮的寫字樓表示要找會計部，但內裏四位正上班的員工謂該同事不在，又不肯開門，兩名男士惟有無奈離去，他們接受訪問時表示：「我哋係印刷公司想追番幾千蚊印刷費，我哋第一次做生意，都唔知佢哋有問題，都係聽行家講先上嚟追咋，都冇法，惟有去小額錢債囉。」
約四時許，邱韶智獨自回到寫字樓，但楊采妮依然未露面，邱韶智說：「佢（楊采妮）傷心就難免，但係對事唔係對人。」
提到公司欠租要被迫搬遷，邱韶智說：「我唔方便講，我哋同業主關係好好，有得商量，公司點都唔會結業，否則就對唔住員工同股東，我哋唔想放棄。」
邱韶智續說：「我同廠商有credit，係一小撮人搞事，有啲人唔滿意，將小問題搞大佢，係咪想攬住一齊死呀？重搞到啲員工咁驚，有啲重攞咗一兩日假冇返工呀。」
採訪、攝影：娛樂突發組