踏入新一年，看似未有新動向嘅福士，原來廠方經已落實響德國新建嘅TransparentFactory廠房，專門生產頂級豪華嘅Phaeton車系，相信或許會在今年下半年，會有右軚版抵港都唔定；屆時佢哋唔止有深入民心嘅Golf，重有可以抗衡平治S-Class級別嘅豪華車系㖭！
至於上半年會有甚麼新車？據亞Mark打探得知，代理早前運嚟一部Beetle1.6新版作測試，相信好有機會在港推售㗎！除咗引擎配搭有唔錯嘅表現外，以Beetle討好嘅外形，若然車價可降至16萬上落的話，大可爭取到一班年輕用家嘅支持都唔定㗎！有興趣嘅朋友，不妨拭目以待喇！