三十五歲的單親綜援婦人阿儀，命途坎坷，老父又於月初不幸遇上車禍身亡，阿儀被迫用綜援金支付亡父的殮葬費用，以致欠下屋租及子女學費，就連一日三餐亦無以為繼，幾陷絕境。
「𠵱家屋企剩番幾個即食麵，個女就嚟連搭車返學同食飯嘅錢都冇，今個月學費又未交，佢埋怨我搞到佢返學好冇面；屋租又冇錢交，房屋署已經發咗催租信，我真係唔知點算。」面對四方八面而來的壓力，阿儀顯得一臉茫然。
阿儀雖然年紀尚輕，然其坎坷經歷卻令她的人生變得灰暗無比。曾歷兩段破碎婚姻的她，十多年前為首任丈夫誕下一對子女，現分別十七歲及十四歲，其後夫婦因為意見不合離異，阿儀於年前再婚，誕下現年七歲的幼子，後因丈夫無法接受非其所生的兩名子女，兩人終日為家事爭吵，無奈之下只得選擇離婚，與三名子女過着孤苦的單親生活。然而，最令阿儀心痛的是次子年前因為誤入歧途，經常逃學，早前更離家出走。
備受家庭問題困擾的阿儀，感到生無可戀，月前曾經兩度企圖跳樓自殺，幸被救回。
「我對住啲仔女好大壓力，二仔我勸又勸過，鬧又鬧過，但係都冇用，家不成家，你話有乜意思？」阿儀歎道。由於阿儀有自殺前科，因此社會福利署暫時將其幼子交託寄養家庭照顧，兒子每周可以返家度宿一日。「細仔好乖好生性，佢從來冇怨過我呢個媽媽，佢重話寄養家庭父母對佢好好，咁我都放心啲。」
然而，禍不單行的是，阿儀的七十二歲父親，月初前往內地東莞探親期間，不幸遭一輛貨櫃車撞至重傷，留醫數天終因傷勢惡化不治。阿儀為了殮葬亡父，惟有動用微薄的綜援金，以致如今三餐不繼。
「我身上只係剩番幾十蚊，下個月中先出綜援金，我邊度可以捱得咁耐，我𠵱家真係冇晒希望。」阿儀說。蘋果日報慈善基金了解阿儀的困境後，即時撥款八千元，解其燃眉之急。
捐款編號：C0450
暖流熱線
電話：29908688
傳真：23702192
電郵：
網址：