世界各地嘅公營機構每年都有個會議，讓業界自由自在咁暢所欲言，今年個會議有幸來到香港舉行，各國嘅公營機構代表昨日齊集香江，先作腦震盪。有老友聽到連印尼、南非等發展中國家嘅公家傳媒都邁步向公司化，就好勞氣做乜香港重停留於港台係唔係服務政府嘅老掉大牙嘅問題。 八方老友愈講愈嘮嘈，重話香港要做國際大城市，但區區一個公營電台已經落後人哋十萬八千里，聞說南非公營電台四月一日開始主要靠賣廣告維生，印尼公營電台亦嘗試推行公司化，得唔得重未知，但起碼好過香江重被老問題拖住。 E-mail：[email protected]