前晚八方走去灣仔君悅歎甜品，一入門口已經見大批記者駐守，初時重以為有乜豪門夜宴，點知原來係特首胞弟董建成五十九歲生日，佢哋一家人喺君悅一樓擺咗五圍食中菜，除咗董氏家族外，已故船王包玉剛嘅女婿蘇海文都有出席。
八方八到啲料，話生日會內個個都玩得好輕鬆，場內上海話滿場飛，而特首就以胞兄身分，上台用上海話致辭，而壽星公胞妹金董建平就送咗幅大油畫賀阿哥生日。唯一美中不足嘅係，壽星公兩位千金，董立茂同董立穎都因公事在外地，但亦好孝心，一早錄咗盒Video賀爹哋生日，溫馨到極。
（圖）特首董建華伉儷前晚在保鑣陪同下到灣仔君悅酒店，為胞弟董建成（小圖）賀牛一。
E-mail：