郭富城最近與台俄混血模特兒LucyLeston傳緋聞，日前兩人遠赴泰國拍內地時裝廣告時，被雜誌拍下一同戲水的照片。城城昨日力斥報道無聊兼心理變態，但卻沒有回答他被拍的照片是廣告內容抑或是鏡頭後的玩樂情況。
郭富城（城城）前晚在廣州為《2002年度國際華裔小姐競選》任表演嘉賓，昨午他又馬不停蹄地到香港城市大學出席「健脊伴一生」活動，宣揚脊骨保健之道，並即席示範正確坐姿。
城城日前在泰國拍內地時裝廣告時，被《壹週刊》拍下他與最新緋聞女友、台俄混血模特兒LucyLeston戲水的照片，城城昨日對此回應說：「咁無聊嘅報道，相信唔使我費唇舌去回答太多問題。」
不過問城城他與Lucy戲水照片究竟是廣告內容，抑或是鏡頭以外的情況時，他卻不肯正面回答，只說：「我經理人同廣告商之前都講過，客戶睇咗都好反感，我唔使再講太多。」
城城經理人小美早前揚言以後不會再找Lucy合作，城城說：「等公司決定啦，同邊個合作唔係我決定。」事實上，城城與Lucy已四度合作，早前的慈善演唱會及MV亦找她演出，對於會否因而變得熟絡，城城則說：「唔只模特兒，其他artist都係，見到咁嘅傳聞，只可話作嘢嘅人心理變態。」
城城續道：「感情嘅嘢畀番啲空間我啦，大家睇吓我喺工作上好勤力好用心，唔好因為我同某某model、演員拍嘢，大家注意力就集中喺緋聞度，每次我工作，好自然就有人特登譁眾取寵，製造機會寫無謂緋聞，唔好將啲嘢變成緋聞嚟醜化啦。」
採訪、攝影：蔡如玉