謝霆鋒日前赴內地為《齊天大聖孫悟空》一劇開工，由於當地十分寒冷，氣溫低至零下幾度，霆鋒花三十元購買熊仔暖水袋取暖。
謝霆鋒日前出席完ChannelV在北京舉行的頒獎禮後，即趕往浙江橫店為《齊天大聖孫悟空》一劇開工。霆鋒在橫店雖然只是短短逗留兩日，但他卻要吊威吔吊足二十四小時。不過，一向甚捱得的霆鋒，不但未感辛苦，而且還大叫過癮。
由於天氣寒冷，霆鋒特地帶了一隻公仔熊仔開工，這隻熊仔原來是暖水袋，每隻售價約港幣三十元，入水後叉電三分鐘，即可暖足兩小時，幾乎所有《齊》劇的工作人員都買了一隻取暖。而張衞健為了霆鋒，早、午、晚飯，特地加餸，認真唔話得。
在《齊》劇中，霆鋒飾演靚仔版少年鍾馗，由於他要跟怪獸對抗，故不時要飛來飛去，被吊在二、三十呎半空。霆鋒前日在橫店的錄影廠內說：「啲怪獸係後期電腦加工做嘅，我以前都未試過吊威吔吊到二、三十呎咁高，都好過癮吖！」大前日霆鋒一抵埗即要開工，至前日凌晨二時才收工，休息了六小時，又要繼續拍攝，工作時間相當緊迫。
霆鋒母親狄波拉（拉姑）前日亦有到錄影廠探兒子班，但只逗留了一會便匆匆離去。
問霆鋒是否擔心拉姑看到他吊在半空時會擔心，所以不讓拉姑看他拍攝？霆鋒笑說：「唔係怕佢擔心，只係每次阿媽見到我咁辛苦，都會覺得心痛，我唔想佢心痛啫！」
記者胡比橫店直擊