原子鏸前晚與沈殿霞、盧海鵬及胡楓等，在電視城錄影《歡樂今宵之健康安全在觀塘》。原子鏸於上月十六日已約滿無綫，前晚是她最後一次為《歡樂今宵》演出，節目尾聲時，一班同事送上一份告別禮物及心意卡，眾人與原子鏸擁別，她感動得當場落淚。
原子鏸說：「我都唔知佢哋會咁，好感動。」問她為何不續約無綫？原來她欲繼承有「武俠影后」之稱的母親鄭佩佩衣鉢，向影壇發展，她說：「拍電影易啲，一早有劇本睇，唔似電視咁急，我中文唔好，要多啲時間慢慢睇劇本。」原子鏸表示她也甚不捨得離開無綫，日後有需要她很樂意返無綫幫手。
另外，陳司翰及陳文媛（BoBo）前晚任《歡樂今宵》嘉賓，提到日前有杏花邨住客投訴陳冠希探訪BoBo時亂泊車，阻塞通道，BoBo謂即使住處曝光也不打算搬屋，她說：「嗰度住咗十幾年，住慣晒，我又唔可以搬出嚟一個人住，因為我好鍾意食嫲嫲煮嘅嘢，又要家人照顧，第時買樓都會同家人一齊住。」
採訪：卓美娟 攝影：羅德光