沉靜咗一段日子嘅萬事得，今年將有多款新車及Facelifted新版面世。而曾列入健力士世界紀錄大全，銷量冠絕同儕嘅MX-5（即日版MiataRoadster）開篷跑車，廠方正有意響2003年推出第3代新車。據知，新車除有一個更時尚兼富跑車格局嘅造型外，車架及其引擎組合會係廠方最關注嘅地方；早前，有傳新車可能會配用一台1.5公升直4偈，以求令銷量增加。而最近傳來消息，話廠方大抵會以2.0公升及2.3公升直4DOHC新偈為骨幹，馬力輸出則係由180匹至200匹上落；至於傳動裝置仍會維持前置引擎後輪驅動（FR）嘅跑車模式，鍾情MX-5嘅Fans不妨拭目以待喇。