讀者Gary問：本人嘅富豪850將近有七年車齡，其間有定期維修保養，但此車嘅Brake油多年來都未有更換過，請問何時需要更換呢？
Gary： 因為Brake油係喺一個完全密封嘅系統中運作，唔會接觸到空氣，兼沒有氧化過程，故此一般嚟講係唔使經常更換嘅；但由於Brake油對橡膠有少許腐蝕性，加上Brake會喺煞車時產生高溫，一般到咗三年就要更換一次。
其實，你大可自行檢查座駕嘅Brake油是否需要即時更換；首先打開煞車真空鼓上嘅小油壺，睇吓入面嘅Brake油是否呈現淡灰色或淡黑色（新Brake油係黃色嘅），一旦顏色變深，就係Brkae油對制動系統內嘅橡膠有過化學作用，便需將之更換。而Brake油方面，最好使用原廠推薦嘅度數；一般嚟講，歐洲車所用嘅係DOT4；但要注要一點，有部分賽車專用嘅DOT5Brake油，由於要抵受賽車制動系統嘅高溫，所以內含特製嘅Silicon，而呢種DOT5Brake油並唔適合普通私家車使用，因為Silicon會對制動系統嘅橡膠發生化學作用嘅破壞㗎。
如果大家對汽車有任何問題，可傳真或郵寄畀我哋，我哋會盡快為你解答。
傳真：27420542 郵寄：香港將軍澳工業邨西駿盈街八號《蘋果日報》副刊「車天車地」版「汽車Q&A」收