司徒華寫得一手好字，好多人都知，新春將到，華叔為街坊寫揮春當然不可少，而且更是「大筆三十揮」。皆因華叔呢兩個月，總共會走三十場，走遍九龍東各地寫揮春，每節均助陣三個鐘，佢真是老當益壯。
昨日到牛頭角探華叔，甫開筆就不能作罷，一分鐘密密手寫兩、三張，而且張張都好有水準。華叔話，最高紀錄係某年響維園坐咗十三粒鐘、寫咗千多張揮春，其間只係食麵包，應真巴閉！
華叔不停咁寫，反而班街坊擔心華叔太累，着他休息吓，有啲重話，要唔要送上熱茶。在寒冷的天氣，人情令人特別溫暖！
（圖）華叔好專注寫揮春，更引來小朋友在旁「偷師」呢！
E-mail：