第二次世界大戰有名的諾曼第登陸戰中，盟軍共由五個地點進行搶灘，當中戰鬥最激烈嘅就係奧馬哈海灘。有睇過《雷霆救兵》嘅讀者，都知道當時血流成河嘅慘況。無獨有偶，新登場的第一身射擊Game《MedalofHonor:AlliedAssault》，亦揀選咗這場歷史有名的戰役，作為遊戲的重頭任務。
文：李淮
由你乘坐登陸艇到正式開始行動，每一分鐘玩家都籠罩於當時戰況慘烈的氣氛之中：士兵被重機槍掃射、軍醫冒死進行急救、怯戰者跌坐地上痛哭，同一時間你則要盤算如何避過重機槍的掃射，設法衝往石灘準備下一步突入行動，電影感堪稱PCGame史上經典之作。
《MoHAA》的任務以直線方式進行，換言之玩家必須完成指定的目標，方可繼續餘下的任務。雖然聽落好公式化，不過在出色的劇情鋪排下，整個遊戲過程依然極之緊張刺激，高難度的任務亦給予玩家一定的挑戰性。例如在登陸戰完成之後，玩家將肩負起搜索失散的82和101空降師隊員重任，一邊又要追查德軍的重要軍備位置，然後通知空中支援部隊進行轟炸，行程可謂非常緊密。
《MoHAA》採用《QuakeIII》引擎開發，畫面質素相信都唔使多講，但人工智能方面又點樣？遊戲中玩家所面對的納粹德軍，全部均為經驗豐富的軍人，懂得充分利用周遭環境掩護自己，所以有時你只會見到佢支槍，而個人就收得好密。當你以為掟個手榴彈就可以解決問題，對手往往會將這份厚禮回敬番畀你，有時真係好難應付。
槍械超真實
為求將遊戲的真實感進一步提高，《MoHAA》內登場的武器全都依照史實複製，由模造、射擊模式到彈數均一絲不苟，以下三款就係當中經典：
M1Garand
由二次大戰中期到韓戰，美軍都以M1Garand作為制式步槍，其特點是槍管長，集彈性高，不過每次只可開一發，並沒有連射功能，是玩家最基本的槍械。M1Garand採用0.30口徑子彈和內置式8發彈匣，最令人印象深刻之處，是彈匣會隨着最後一發空彈殼彈出，一聲巨響等於告訴敵人現在是最佳反擊機會。
ThompsonSubMachineGun
憑電影《雷霆救兵》再次大熱的ThompsonM1A1，是美軍二次大戰中另一制式武器，能一秒連續發射12發0.45口徑子彈，提供極高的壓倒性火力，而缺點則是重量超過十磅，而且在連發時後座力非常大，好難描準目標，但仿真程度亦是全Game最高的。
Springfield1903
第一次世界大戰到第二次世界大戰初期，美軍制式步槍便是著名的Springfield1903，槍支採用典型的推膛式步槍設計，射程達600碼。由於佢有望遠鏡功能，所以玩家好多時需要用他作刺探敵情之用。
好多軍事迷都對德軍裝備情有獨鍾，偏偏遊戲中只能扮演盟軍，咁點辦？上網打咪得囉！
《MoHAA》嘅網上多人對戰模式，可以支援盟軍對德軍，透過對戰軟件Gamespy（
《MedalofHonor:AlliedAssault》
發行：ElectronicArts
開發：2015inc.
售價：$240