地鐵（066）旗下4個商場，九龍灣德福廣場、荃灣綠楊坊、柴灣杏花新城同青衣的青衣城，與公益金合作辦咗個「馬不停蹄為公益」活動，除咗有商戶提供「公益年夜飯」籌款（每席25%款項撥歸公益金）外，又搞「時來運到馬上獎」同「慈善福袋」義賣。昨日在德福廣場的開幕禮中，蘭西見地鐵物業總監何恒光攞定100蚊買「福袋」，實行出錢出力，並謂希望今次活動籌得善款愈多愈好。
美聯上周在深圳舉行嘅周年晚宴，共開咗10席，有100多員工出席，集團主席黃建業聯同一班董事一齊北上到會，重大送獎品。而上周中原就有一批高層出席廣州分行嘅晚宴。
香港置業由於主力做一手物業代理，所以能在多個新盤中做到好成績，除早前獲新世界（017）同九龍倉（004）頒發銷售大獎，今日又攞到恒基（012）「金牌」大獎，可見專注做事會見成績。
蘭西