一班老友鬼鬼嘅新聞界朋友噚日召開記者會，究竟搞邊科呢？原來係新成立一個叫做「香港自由傳訊創作人」嘅協會！會長鄭景鴻話，科網爆破後，約有四百名傳媒人要離職，呢一個月，業界就有六百人失業。佢估計，將會有更多人以「自由人」身分做嘢。不過，行內一直有拖稿費嘅情況，甚至有時可能重係白做，所以大家組織起來，希望可以保護會員嘅權益。
做咗十多年「自由人」嘅Tony余話：「經濟咁差勁，工作量大減，最近一年嘅工作量僅及以往嘅一半，而且拖數三個月係平常事，有時甚至拖半年！」照咁睇，冇一年半載嘅穀種，都唔好輕易諗做「自由人」，容乜易餓死都未等到出稿費呀！
E-mail：