早前帶過大家到馬爾代夫新開幕的AngsanaResort&Spa，原來在這裏住下來，除了享受天天浮潛和按摩的樂趣之外，不得不介紹擠滿大大條吞拿魚的魚市場，那裏不光是睇，還可以親手煮，我即日就跟了酒店大廚，利用來自魚市場最新鮮的材料，學煮混合印度、斯里蘭卡、非洲與阿拉伯特色嘅馬爾代夫菜，獲得嘅評價只得一個字：正！
文：麥詠嫻
攝影：陳盛臣
當日在馬爾代夫無聊逛街，到過最「行」的旅遊景點：博物館、公園、寺廟及生果市場，當走到Male時，卻嗅到強勁魚腥味，原來隔了足足一條大街、就近海邊有個魚市場，踏進門口已看見遍地吞拿魚，條條最少有半米長，望落都好新鮮（不過將魚放在地上覺得有點不衞生）。
走進去更要非常小心，因為地下好濕滑，行過共兩層的魚市場之後，發覺約3,000平方呎的市場都擠滿了吞拿魚。據知馬爾代夫魚穫豐富，所以當地人只會選擇大條的吞拿魚來吃，貪其夠啖啖肉，而且每條差不多半米長的吞拿魚只售約4港元，真係平到嘔！
只管看，又怎能領略真正魚市場風味？所以我轉頭就參加了Angsana專為住客而設的MaldivianCookingSchool，這是一個速成班。負責教授我們的是酒店大廚Mr.Hutchinson共示範了兩款馬爾代夫菜式，分別為咖喱魚及吞拿魚餡餅。據他說，馬爾代夫菜大多以魚為主，尤其吞拿魚更是當地人主要食物，而馬爾代夫菜的一般是以阿拉伯、印度、斯里蘭卡與非洲風味混合而成。
課堂開始時，大家都十分留心，而他卻一面講一面切洋葱，非常輕鬆，只見他三扒兩撥就將材料準備好，隨即開始烹調，手法純熟不在話下，但我卻稍嫌他示範得太快，並不容易跟上。慶幸他在旁細心地指導，我也幫手一起煮，不消一句鐘，便完成了兩款菜式，我也急不及待偷食了一口吞拿魚餡餅，脆皮煙韌的外層包着鮮味的吞拿魚，係我二十幾年嚟最得意之作！
AngsanaResort&Spa,MaldivesIhuru
地址：Ihuru,NorthMaleAtoll,RepublicofMaldives
電話：(960)443502
網址：
費用：1小時烹飪課程每人30美元（約234港元），逢星期一於Angsana上堂，費用已包所需材料。
出門提一提
簽證：不論持BNO、特區護照者免簽證，CI持有人則可在抵埗後申請落地簽證，查詢電話：23762114（馬爾代夫共和國名譽領事）。
機票：5日4夜旅遊套餐價錢$9,440，費用包括4晚住宿AngsanaResort&Spa,MadlivesIhuru，連早、午、晚三餐及機場至酒店來回接送，查詢電話：25296547（新加坡航空優悠假期）。