【本報訊】上周日慈正邨正怡樓發生狠心父親手刃三子女倫常慘劇，唯一幸存的十二歲長女葉麗幗從地獄邊緣重生過來，篤信基督的她已經學曉了無怨無恨，亦希望媽媽能寬恕父親，勇敢面對將來。「我希望有問題嘅家庭，父母應該多啲同子女傾偈，咁樣唔會發生咁多事，……好似我咁好想同爸爸傾偈，佢因為第二個女人、脾氣又暴躁，根本冇偈傾先至發生今次悲劇；不過，我會原諒爸爸，亦希望媽媽唔好再憎恨爸爸，將來點樣面對先至係最重要。」堅強的麗幗心平氣和地說。 記者：吳淑義
「一月十六日係我生日，媽媽、弟妹都有同我慶祝，重一齊去食我鍾意嘅乳鴿。爸爸冇送過禮物畀我，佢從來冇特別對我哋好，只有發脾氣、打、鬧，我哋冇感受過愛，爸爸咁對我哋，殺斬我哋係佢嘅錯，雖然佢做錯咗，我會原諒佢、唔再怪佢，我為佢祈禱，原諒佢！」麗幗說得那樣鎮定，沒有任何激動。
麗幗目前仍住院療傷，過去幾天一直有社工輔導，校長、教友、老師和同學的鼓勵，她學懂了堅強和積極，求生的鬥志戰勝了死神。
「或者係神揀選咗我，醫生話我最少三個月就可以康復，我𠵱家已經可以落牀，我諗一個月就可以出院喇！」心中有了基督，麗幗顯得很自信。「出院第一件事就係去打籃球，我最鍾意打籃球，所以身體好好……，嗰日啲警察以為我係嗰個女人（爸爸的二奶），因為我有運動，體格強健。」卧在牀上的麗幗難得仍有心情說笑。
除了打籃球，她的志願是做警察或社工，因為這些職業都可以幫到有需要的市民，也許是今次經歷，她接觸到救援的警察叔叔和輔導的社工，令她一下子留下不能磨滅的印象。
昨日到醫院探望的四個同學仔只有婷婷是同班小五同學，她特意帶來在海洋公園贏得心愛的毛公仔牛牛送給麗幗，祝她早日康復。
婷婷說，因為父母均認為麗幗好堅強，是她們應該學習的榜樣，不像一些學生默書、考試不及格就放棄自己、去尋死，所以很贊成女兒和同學到醫院鼓勵麗幗。
她還說：「麗幗冇咗幾隻手指，我哋唔會嫌棄佢，我哋係好朋友，如果有人笑佢，我哋一定唔會放過佢哋！」
正如麗幗說：「初時我會喊，好難過，後來唔再喊，喊不如笑吓，唔好諗唔開心嘅事。」忽然間成長了的麗幗正正是跌倒了站得起來的好榜樣。