經濟不景，香港汽車市場亦見轉變；普羅嘅汽車用家，口味經已轉去啲有多用途功能嘅RV車，而過往響日本大行其道嘅迷你K-Car，近年響香港亦漸見普及。諸如豐田Echo、大發嘅MoveTurbo，又或者係近期炙手可熱嘅本田Jazz咁，但想唔到連獨立嘅水貨入口車商，亦開始留意到K-Car響香港嘅需求；而一向售賣開歐、日名車嘅人頭馬車行，更獨立開設專營迷你車款嘅HonorMotorsShowroom。開張在即，大搞新意搵嚟四名東瀛AV女郎助興宣傳，亞Mark最留意重係佢哋所引入嘅車款；據知不僅有剛面世嘅本田Mobilio七人車，重有日本熱賣嘅本田Life、Dunk及Vamos等，睇嚟呢股東瀛小旋風，將會替香港車市帶來一番新景象。