謝霆鋒前日抵達浙江橫店，拍攝電視劇《齊天大聖孫悟空》，他在劇中扮演捉鬼天師鍾馗，但其造型捨棄一貫的紅臉虬髯，以靚仔look登場。霆鋒還邀母親狄波拉同行，讓她與張衞健重逢。
謝霆鋒在前日下午已抵達浙江橫店，拍攝電視劇《齊天大聖孫悟空》。霆鋒到埗後，隨即以全新靚仔造型，如戴上一個紅色閃電頭飾演繹家喻戶曉的捉鬼天師鍾馗。
前晚霆鋒在片廠中，吊威吔拍攝與飾演孫悟空的張衞健（健仔）之對打鏡頭，但問到其鍾馗造型何以反傳統時，霆鋒便講古，他笑說：「因為鍾馗太靚仔，追晒皇帝啲後宮佳麗，於是俾皇帝貶為庶民，自殺死咗之後，又俾地藏王安排佢捉鬼幫人，皇帝妒忌佢，咪劃醜佢個樣嚟流傳民間囉，呢啲嘢喺戲中自有交代㗎啦。」
霆鋒今次為助健仔，除義務友情客串演出外，還破天荒邀母親拉姑狄波拉來探班。原來拉姑與健仔已結緣十五載，自八年前健仔在劇集《黃金歲月》中飾演拉姑兒子後，至今未曾合作，之前健仔曾向霆鋒透露甚掛念拉姑，所以霆鋒才邀阿媽探班，讓健仔有意外驚喜。
拉姑說：「十五年前Dicky（健仔）已經當正我係阿媽，母親節就送卡同送花畀我，我呢次冇同佢講過話會嚟。」健仔則笑說：「霆鋒話過送份會郁嘅禮物畀我，我一見到係拉姑真係好開心。」
記者胡比橫店直擊