前晚氣溫僅得約十三度，趙世光的紅顏知己譚玉梅往蘭桂坊消遣時，以皮褸配bratop，露出腰肢示人。同一晚，谷德昭卻以雪人look出現，令人感到譚玉梅的耐寒程度驚人。
譚玉梅（Mary）沒有好友趙世光相伴的日子，亦不愁寂寞，前晚氣溫僅得約十三度，Mary相約兩位女性朋友往蘭桂坊消遣，她玩至凌晨一時左右離開。
同一晚，身穿大褸的谷德昭亦出現蘭桂坊，但Mary的耐寒程度驚人，她身穿性感bratop配皮褸出現。
昨日記者致電Mary，問她寒冷天氣下都有興致去蒲，她說：「我去飲杯嘢啫，去蒲就唔會咁早（指凌晨一時）就走啦。加上我最近對煙味敏感，聞咗煙味會好唔舒服，咪索性早啲走囉！」
再問Mary為何前晚衣着如此單薄，不懼寒風，不擔心着涼嗎？Mary說：「嗰晚得十幾度啫，我着咗皮褸，夠暖㗎啦。香港邊算凍？濕濕碎啦，我鄉下哈爾濱一到冬天就得零下二十度，我慣晒啦。我最鍾意喺家鄉嘅雪地上滑冰，我屋企人重犀利，佢哋冬天會游冬泳㖭。」
Mary續說：「我細細個喺家鄉已經培養咗溜冰嘅嗜好，嚟到香港之後，發覺香港啲溜冰場設施唔夠靚，溜得唔夠痛快，所以每次返鄉下就一定盡情溜個夠先罷休嘅。」