彭羚（Cass）一連兩場的「Cass&TheCity演唱會」，前晚在紅館圓滿結束，吸引了劉美娟夫婦、許愿、葉德嫻和徐濠縈前往捧場。Cass被歌迷的熱情感動，淚灑舞台。
Cass在大前晚首場個唱，遺失了兩隻龍鳳鈪，前晚經已尋回，故她戴齊十隻龍鳳鈪做騷。
事後，Cass在尖沙嘴香格里拉酒店舉行慶功宴，她說：「首場個唱好緊張，都瞓得唔好，但我事後諗清楚我係為唱歌，唔係為着靚衫，可以同一班專業音樂人合作，我覺得好榮幸。」
對於Cass大前晚不懂除披肩的烏龍事件，她說：「之前未試過啲衫，但後嚟知道好安全，唔怕走光。」但Cass的夫婿林海峰在首場欣賞時大喊「緊張過張柏芝飛車」，Cass說：「佢嗰晚喺後台重叫我唔好諗咁多嘢，叫我食雪糕。」此外，Cass表示今日林海峰三十五歲生日，會一家三口共度。
採訪：李珮洳 攝影：仇志德、陳烱威