趙薇與前男友葉茂青分手後，除了因為演出電影《少林足球》而與周星馳鬧過緋聞，真命天子似乎至今仍未有着落。
「𠵱家我嘅感情生活係一片空白，講句老實話，我係好想有男朋友，可以同佢分享吓自己開心同唔開心嘅事，但感情事，好講機緣，𠵱家工作咁忙，要搵對象都唔易。
「其實感情同事業一樣咁重要，將來就算結咗婚，我都希望可以繼續做嘢，因為我唔係嗰種可以坐喺屋企做幸福少奶奶型嘅女人，除非將來嘅老公堅持唔畀我做嘢，而我愛佢嘅程度勝過任何一切，咁就另當別論。」
雖然現時沒有男友慰藉，但趙薇說：「基本上我所過嘅日子，開心比唔開心多，我又識得寓工作於娛樂，所以𠵱家冇男朋友，日子過得還可以。啱啱入行（九七年）嗰陣，我曾經講過三年後退休，結果到𠵱家重做緊，以前覺得三年好長，𠵱家覺得五年都好短，所以我都唔敢亂講幾時退休。」