容祖兒（Joey）和何韻詩（阿詩）昨日到大會堂音樂廳，出席港台活動「老有所為活動計劃」頒獎典禮。
Joey和阿詩近日被指發展親密關係，昨日兩人大方合照，阿詩為力證自己非男性化，特別做出蘭花手嬌俏手勢，而兩人亦異口同聲表示會繼續相約出街，不會有所避忌。
Joey說：「橫掂我未試過傳緋聞，一傳就傳呢啲，對事業上都算大突破。我亦唔會因為嗰篇報道，特別澄清啲乜嘢，總之我同阿詩係好朋友，唔通我以後出街要帶隻麥兜咩。」
而阿詩亦說：「𠵱家搞到我好勁咁，到處留情，我都唔知自己咁有魅力嘅，真係好好笑。咁講法我咪同Joey就嚟結婚，又話我成日着鬆身衫，咁我下次就着TubeTop囉，到時佢哋又會亂寫啦。」
採訪：駱華齡
攝影：仇志德