話說老董本周三、四分兩日喺會展搞八百人公開諮詢大會，由於不是閉門進行，民主黨開會後決定，不限制啲身兼立法會議員、屬政界組別嘅黨員出席。
既然黨冇規定唔准去，肥仔李華明就蠢蠢欲動，想去問啲民主進程嘅問題，反正佢屬於白鴿黨內少數被北京接納嘅人士之一，冇有怕喇。當然話就話想去，佢老哥都係驚驚哋，於是就同八方講，如果黃成智都去，佢就放心入場。嘩，乜咁似女人做嘢，乜都要齊齊去。
八方忍唔住打個電話畀成智，睇吓佢點諗，豈知黃成智話，佢要睇肥仔做頭，肥仔去佢就去。吓，咁扯貓尾都得。
E-mail：