李嘉欣、梁詠琪（GiGi）和莫文蔚，昨日在灣仔會展出席「國泰航空破天荒旅遊業推廣活動」，三人更被委任為國泰航空大使，任期一年。
三位靚女昨日在活動上大力推廣香港，嘉欣介紹地道手工藝，GiGi介紹本地服務，而莫文蔚則推介地道美食。國泰亦宣布會以抽獎形式送出一萬張機票。嘉欣說：「我抽到機票會送畀表哥，我之前都同黎明一齊做過呢啲推廣活動。」
對於近日有報道指張柏芝的平治跑車乃黎明所送，嘉欣說：「冇睇，睇到都唔認真，半秒就忘記，而且呢啲嘢係佢（指黎明）嘅問題，我唔會答。黎明都有送過小禮物畀我，但名貴嘅就冇，收人哋嘅名貴禮物，有後果同責任。」
此外，莫文蔚否認早前緋聞男友馮德倫到錄音室探望她，她說：「嗰區咁多錄音室，唔代表佢嚟探我。」
採訪：陳梅香
攝影：黃文成