八方早前同大家講過，投資推廣署署長盧維思繼朱鎔基總理同渣打總裁戴維思之後，獲得「傑出傳播人」大獎。你估外號「米老鼠」嘅署長點睇自己攞呢個獎的原因？
米老鼠接受最新一期中大《大學線》月刊訪問，好自信咁話，自己得獎係因為當其他人抱住「多做多錯，少做少錯」的態度時，自己就寧願做多啲，重話事事謹慎的做事方式會令佢發狂。米老鼠抽絲剝繭同記者分析，指問題根源在於政府的內部工作文化，尤其是當面對傳媒時，做得好冇獎勵，做得唔好就會受罰，連高官都係咁諗，唔願意面對傳媒，米老鼠話唔怪得近年政府形象低落。
成日同官員打交道的八方真係要讚米老鼠一針見血，不過點解佢又可以唔受呢種官場文化影響？原來佢打政府工前，曾經做過英文報章《星報》記者，知道傳媒唔係洪水猛獸。
E-mail：