雖然東華之夜險變阿董競選活動，但幾位高官都算識趣，林煥光、楊永強、呂孝端等一見阿董，就好似裝咗彈簧咁彈開幾丈遠，其中楊醫生最成功，遠到入場十幾分鐘阿董都睇佢唔到，直到主辦單位讀名請各位列隊入場時，阿董先聽到楊醫生嗰名，驚奇地說：「楊局長，原來你都喺度？」
不過最忠心都要算董太，佢負責上台抽籤，決定每圍有邊個得獎，點知第一張就抽到自己老公手上嗰張「東成西就」揮春，結果阿董就攞咗A獎返屋企，就係一個大花籃。睇來董太幾有幫夫運，唔怪得阿董樣樣嘢都咁順利。
（圖）林煥光局長真醒目，出席東華慈善餐舞會，深知捉住兩個可愛細路合照，比企埋正在參選的阿董身邊安全。
E-mail：