自從盧永仁離開「網基」之後，一直冇佢消息，噚日聽聞，盧博士已有新職，就係出任WPP集團大中華區非執行主席，負責統籌協調集團中國、香港、台灣各附屬公司業務，睇嚟以後有排忙。
WPP係乜？係全球最大的傳播服務集團之一，在英國及美國納斯達克上市，在全球一○二個國家設有千四個辦事處，員工六萬七，二○○○年備考收益八十億美金；集團公司包括出名嘅廣告、公關公司如智威湯遜、奧美、偉達、博雅、朗濤……個個都係大名。
打電話搵盧博士問吓近況，佢個電話跳跳吓，原來剛剛由北京返港，揸緊車。佢話已經返咗工做緊嘢，世事巧合，個新寫字樓竟然喺以前佢在香港電訊同一層樓。
講起智威湯遜，佢哋啱啱贏咗地鐵海報創作大賽金獎，得獎作品係Nike嘅「妳有妳的完美身體」，個頒獎禮今日下晝在香港富豪酒店舉行，廣告界好多人都會出席，實好熱鬧。
（圖）盧永仁：我返咗嚟嘞！（設計對白）
E-mail：