平治A210Evolution強化出擊

平治A210Evolution強化出擊

最近平治車廠宣布為加強A-Class喺市場上嘅競爭力,故為其推出全新A210Evolution;新車除改用一台2.1公升偈外,外表更會由AMG動手改裝,從而增強吸引力。
快將推出嘅A210Evolution,將備有長、短軸距兩個型號供用家選擇;而新車更會裝上一套由AMG提供嘅17吋跑車合金軨、全新設計嘅頭泵把連霧燈,以及全新鬼面罩等配備,一派年輕活力之感可謂表露無遺。車廂布局方面,座椅則會改用Alcantara真皮配搭,令乘坐感覺更佳;而車內不少配備,皆會裝上全新嘅金屬裝飾,望落甚為突出。而新車一台2.1公升直4偈,除馬力輸出達140匹外,0至100公里嘅加速度亦僅為8.2秒,極速更高達203km/h,性能表現較現有嘅A190來得更佳。