董建華競選連任點解冇政綱？民主派嘅選委釘住呢個問題唔放，老董唔識講大話，照直話「冇！亦唔需要」，但佢嘅競選辦就兜嚟兜去想同佢補鑊。日前鄭維健話參選宣言就係政綱，重叫人買報紙睇，結果俾人噴到一面屁；而競選辦主席梁振英更發明另一個新說法，話「一個字」都算係政綱！
話說前日余大狀質問老董時，梁主席又喺旁邊幫拖，佢話其實係大家理解唔同啫，政綱呢樣嘢可長可短，「一個字都可以係政綱啦，你冇聽過『以糧為綱』咩？」，激到余大狀唔識回應。有人聽完之後，都質疑咁樣狡辯都得？咁老董不如就用「懵」一個字做政綱算啦！
E-mail：