最近「壹傳媒」派大信封，唔單止同事同行家之間唔理解，原來唔少肥佬黎同《蘋果》支持者亦唔多接受，甚至重「因愛成恨」。
八方聽聞《蘋果》原本一直係一些非政府組織、壓力團體同基層組織欣賞嘅報紙，佢哋固然支持肥佬黎一直敢言作風，唔少人亦係堅哥支持者，鍾意佢為基層邊個都夠膽鬧，所以有乜活動都喺《蘋果》登廣告，但今次《蘋果》賺錢都炒人，就真係令佢哋好失望，最近一班團體坐埋，原本諗住登報紙搞活動，最後決定以後唔喺《蘋果》登，因為「喺《蘋果》登都幫唔到低下層工人！」八方聽到，都無言以對。
E-mail：