李嘉欣與吳彥祖日前為最新一期女性雜誌《Jessica》拍照，嘉欣穿上性感連身裙，盡顯天賦身段。時下女性對豐胸趨之若鶩，嘉欣卻表示寧要靚樣，不要四十吋巨胸。
李嘉欣與吳彥祖在新片《豐胸秘CUP》中合作愉快，二人日前更為宣傳該片，替最新一期女性雜誌《Jessica》拍攝封面照。嘉欣穿上低V連身裙示人，酥胸半露，盡顯天賦本錢，並與吳彥祖在訪問中大談豐胸問題。
時下潮流興豐胸，有傳張玉珊亦正斟洽李嘉欣取代章小蕙拍修身堂廣告，嘉欣說：「胸部對女人嚟講好重要，係女人嘅象徵。呢個身體部分好特別，大家都曾經畀親密嘅人睇過，我同親密嘅女性朋友都有互相睇過，我哋之間就好似分享咗私人秘密咁。」
而吳彥祖則認為胸部只是女人身體上的一部分，既然肉體與樣貌會隨歲月而改變，故胸部大小亦只是過眼雲煙。吳彥祖說：「我睇女人從來唔會睇佢個胸有幾大。」
問嘉欣及吳彥祖可認同女人胸大就是美麗？嘉欣說：「大胸？有幾大先，如果係四十吋，咁就當然唔好，如果樣靚同大胸兩樣畀我揀，我會揀靚樣，每個人第一眼先睇會睇樣，而唔會係佢個胸。我覺得一個女人如果要靚，應該增加自己見識。」
吳彥祖亦不認同胸大的女子等同美麗，他說：「我覺得靚嘅女人應該係聰明、有自信，一切發自內在，而唔係靠外表。」
問嘉欣可會支持友人豐胸，她說：「有啲女人為男人去隆胸，呢啲行為好儍。我覺得上天畀你幾多就幾多，最多後天做多啲運動。」
圖片提供：《Jessica》