關之琳日前為時裝雜誌《瑪利嘉兒》最新一期任封面女郎，她穿上春夏新裝，叫人眼前一亮。之之還大談自己對感情生活的看法，表示很滿意現在跟男友黃家諾的感情發展，但在父母離婚和自己失婚的雙重陰影下，已決定不會再婚。
關之琳（之之）日前接受時裝雜誌《瑪利嘉兒》訪問，大談自己對感情生活的看法，之之穿上angesb的春夏新裝，擺出嫵媚的姿態，叫人眼前一亮。
之之現在無論事業和愛情都十分愜意，對於外間以「姊弟戀」來形容她跟男友黃家諾的感情，之之表示並不介意，她說：「我覺得𠵱家嘅感情生活好舒服，我唔介意年齡相差幾多，性格夾得嚟咪得囉。呢次拍拖之後，感情生活畀我好正面嘅影響，我嘅情緒比以前好好多，以前我份人都好暴躁，雖然未必會發脾氣，但佢（指黃家諾）嘅性格令到我好穩定同舒服。」
不過，之之因受父母仳離和自己過往一次婚姻失敗的雙重陰影，她決定不會再婚，她說：「相愛喺埋一齊咪得，一張婚書又有乜嘢用？其實我細個見到父母離婚，我已預計自己會一個人過生活，當年結婚我重諗住有奇迹。我好自私，唔鍾意細路仔，我覺得責任都好大。況且𠵱家我要照顧父母，我重想可以過自由自在嘅生活。」
之之續說：「我從來唔會為年齡而煩惱，我唔會同十八歲比較，亦都唔希望返番去嗰段日子，一個人有幾大就要有嗰個年齡嘅態度，外表乾淨已好好。如果要拉面皮變番二十幾歲係冇可能，其實每個年齡嘅女人都會有佢可愛之處。」
採訪：JessicaNgan、RitaLeung、DebbieLum
攝影：HoKwokHo