「𠵱家我真係萬念俱灰，好想一了百了。」失業病漢阿雄紅着淚眼說。
四十歲的阿雄，一直任職招牌技工，但數年前一次工業意外，導致脾臟爆裂及左手腕骨折斷。「嗰次我要安裝一個招牌，但唔小心喺十呎高空跌咗落嚟，傷咗脾臟差啲冇命，最後醫生幫我切咗個脾，左手駁骨，𠵱家隻手重留低五、六吋長疤痕。」
阿雄這次工傷帶來很多後遺症。「最大問題係左手腕冇以前咁靈活，條腰骨亦成日痛，個人又好易攰，行多兩步都氣喘。」
孑然一身的阿雄現轉行任職漂染廠，無奈數月前又不幸被辭退。「自己身體唔好，加上咁嘅時勢，呢幾個月搵極都搵唔到工，個人好灰。」連月來，阿雄僅靠微薄的積蓄過活，惜現在已到達山窮水盡的地步，在迫不得已的情況下，較早前他已向社會福利署申請綜援金，惟有關申請仍在審批當中，未能解燃眉之急。
阿雄說：「𠵱家我全副身家得番八十元，早幾日唔舒服入醫院，住咗四日，二百七十幾蚊住院費我都無錢交。」已欠租兩個月的阿雄更坦言，害怕終有一天要淪落街頭。
蘋果日報慈善基金了解阿雄的苦況後，已即時發放六千元緊急援助金給他，助其度過難關。
捐款編號：C0446
暖流熱線
電話：29908688
傳真：23702192
電郵：
網址：